სტოპ-ლისტის მართვა

როდესაც რესტორანში რომელიმე პროდუქტის ან კერძის მარაგი იწურება, მისი გაყიდვის თავიდან ასაცილებლად, აუცილებელია პროდუქტის სტოპ-ლისტში დამატება. მიჰყევით ამ ნაბიჯებს:

1. მთავარ ეკრანზე, ზედა მარჯვენა კუთხეში დააჭირეთ მენიუს ღილაკს.

   

2. ჩამოშლილ მენიუში აირჩიეთ "სტოპ-ლისტი".

   

3. გაიხსნება სტოპ-ლისტის მართვის პანელი, სადაც მარჯვენა მხარეს გამოჩნდება მენიუს კატეგორიები. სტოპ-ლისტში პროდუქტის დასამატებლად, უბრალოდ მოძებნეთ სასურველი პროდუქტი კატეგორიებში და დააჭირეთ მას. ეკრანის მარცხენა მხარეს გამოჩნდება "სტოპ-ლისტი ცარიელია", თუ მანამდე არაფერი დაგიმატებიათ.

   

4. მაგალითად, თუ აირჩევთ "Gin Tonic" და "B52", ისინი ავტომატურად გადავა მარცხენა მხარეს, სტოპ-ლისტის სიაში, ხოლო მენიუს ღილაკებზე გაჩნდება წითელი ძახილის ნიშანი (!).

   

5. სტოპ-ლისტის სრულად გასასუფთავებლად (თუ მარაგები შეივსო), ეკრანის ქვედა მარჯვენა კუთხეში დააჭირეთ ღილაკს "გასუფთავება".

   

6. ხოლო თუ გსურთ მხოლოდ კონკრეტული პროდუქტის ამოღება სტოპ-ლისტიდან (მაგალითად, "B52"), მარცხენა სიაში ამ პროდუქტის გასწვრივ დააჭირეთ წაშლის (ნაგვის ურნის) ღილაკს.

   

7. სტოპ-ლისტში დამატებული პროდუქტი გაყიდვების (შეკვეთის მიღების) ეკრანზე ვიზუალურად დაიბლოკება წითელი "STOP" ნიშნით და მიმტანი მის შეკვეთას ვეღარ შეძლებს.